[dropcap]А[/dropcap]вгуст зурул 28-нний Каспийск шагьрулий автозаправкалул станциялий, ссят 9 хьусса чIумал, кIия кIул акъасса инсан чIиллащал ххявххун бур полициялул зузалт­райн.

Ва ишираву ца полициялул зузала усса кIанай къуртал хьуну ур, гама, цIунцIия хьуну, азарханалийн иян увну ур. «О полиции» тIисса федерал закондалийн бувну, полицалул зузалтрал, цала мюхчаншиву дуруччаву мурадрай, кIиягу къачагъ, ярагъ ишла бувну, ливтIуну бур.
Хъиривлаявурттайн бувну, увгьуну ур ва къачагъшиврувух хIала увхсса 21 шинавусса, Каспийск шагьрулий ялапар хъанахъисса жагьил.

* * *
Август зурул 28-нний Хасавюртлив ярагъуннищалсса арантал щуну бур ихтияр дуруччай органнал зузалтрайн.
Ярагъуннищалсса инсантал бу­сса къатрал лагма рургьуну диркIун дур силовиктурал. Ярагъгу щяв бивхьуну, канийн нанияра тIисса амрулийн мютIи къавхьусса къачагътал битлан бивкIун бур силовиктурал чулийнмай. Ва битавриву кIия ихтияр дуруччай органнал зузала оьрмурдацIа хьуну бур. Вайннайн битлай бивкIсса кIиягу къачагъгу кьатI бувну бур силовиктурал.
ЦIанасса чIумал ва иширал хIакъираву дачин дурну дур силис­тталул давуртту ва кIул дуллай бур къачагътурал цIа-бакI.
Дагъусттаннал МВД-лул пресс-служба.