[dropcap]Щ[/dropcap]алагу Аьрасатнал УФСИН-далул зузалтрал дянив хьусса «Мисс УИС» конкурсраву гьуртту хьуну, Дагъусттаннал УФСИН-далул зузала Саният Мусиевал ларсунни «Первая вице-мисс» тIисса цIа.
И. Саидова
Конкурс сакин хьуну дия кIива бутIуя. Цалчинмур бутIуву душваврал ккаккан бунни цала даврил ихтиярду ва кьяйдарду ххуйну кIулшиву.
Му бакъассагу ва конкурсрай гьурттушинна дурсса душваврал ккаккан бунни километралийх лечаврил, 50 метралийх гьузун бюхъаврил, Макарова пистолетрава битаврил ва, иш багьсса чIумал, цала цивппа буруччин бюхъаву кIулшиву ккаккан даврил бюхъурду.
Конкурсрал кIилчинмур бутIа хьуссия Ставрополлай.
«Цалчинсса вице-мисс» тIисса цIа лайкь дуллалисса бяст-ччаллаву бястлий бувккун бия Ухссавнил Ккавкказуллал Федерал округраясса ФСИН-далул органнаву зузисса мукьва душ.
Творчествалул гьунарду ккаккан буллалимур бутIуву душвавран багьлай бия цала Ватандалуха, тарихраха, пишалуха ва дусшивруха балайрду учин ва къавтIавуртту дуван.
Конкурсрал хIасиллайн бувну, цалчинмур кIану бувгьунни Ставрополлал крайрайсса УФСИН-далул виваллил службалул лейтенант Анастасия Артемовал.
«Первая вице-мисс» хьунни ДР-лул УФСИН-далул 3-мур СИЗО-рал психологиялул лабораториялул зузала, виваллил службалул хъунмур лейтенант Саният Мусиева.
