Пахрулий буру

ХьхьичIуннай хъанай нани­сса Peri Innovation ChaIIenge проектирдал конкурсраву цалчинмур кIану бувгьусса 14 шинавусса чIава програмист Сагит Сагитов август зурул 18-нний стажировккалий гьан уллай ур «Кремниевый долиналийн». Ва конкурсрай Сагитлул ккаккан бувсса тIуркIулул проектрал махIаттал бувну бур жюри.
И. Саидова
«Пери» ИхIсандалул фондрал сакиншинначи Зиявуттин МахIаммадовлул дуклаки оьрчIал проектирдан кьимат бищун бучIан бувну бия хъунисса компаниярттал гьанурду бивзусса инвестортал.
Стажировка дикIан най дур Сан-Францисколийсса Beyond Cames тIисса компьютердайсса тIуркIурдал аралувусса хьхьичIунсса ца компаниялий.
Сагитовлул сакин бувсса тIуркIу бур марцIсса математикалул формулардая хIасул бувсса.
Август зурул 18-нний чIа­ва програмист тIайла уккан Ма­хIачкъалаллал аэропортрайн бучIантIиссар «ПЕРРИ Инновации» бизнес-инкубаторданул кIулшивуртту дулайсса программа лахьхьин заназисса оьрчIру ва душру. Сагит Сагитовлул ларсъсса ххувшаву хъанахъиссар Дагъусттаннал технологиялул бизнес хьхьичIуннай давриву дурсса агьамсса давуну.
2013 шиная шихунмай байбивхьуну, Дагъусттаннай зий бу­ссар «ПЕРИ Инновация» бизнес-инкубатор. Ва хъанахъиссар Ух­ссавнил Ккавкказнаву Зияву­ттин МахIаммадовлул тIиртIусса ИхIсандалул проектирдавасса ца.
Мукьра шинал лажиндарай бизнес-инкубаторданул дурну дур 9000-хъул инсантал гьуртту хьусса 50-нния лирчусса хъунисса мероприятияртту.