Велосипедирттай – Маккалив

ХIажлилсса буллалисса «Марва-тур» компаниялул пресс-службалул баян бунни Рамазан зурул ахирданий хIаж бан велосипедирттай ххуллийн бувксса шама инсан — Пахруттин Якьубов, Анвар Айдамиров ва Ислам Муртазялиев Маккалив бившиву.

Ми май зурул 30-нний ххуллийн бувкссия, цал Азирби­жаннавухчIил, тиччагу Ираннавух хьуну, Бендер-Аббас тIисса шагьрулия Дубайрайн паромрай лавгун бур. Дубайрая яла – Ма­ккалив. Сайки 3500 километра велотранспортрай риртун дур миннал. Ххуллийн букканнин миннал цал ххуйну лархьхьуну дур маршрут, бахьтта хIажлийн лавгминнал оьрмурдая чивчумургу бувккуну бур.