Капитал ремонтрах буржру къахьуншиврул

[dropcap]К[/dropcap]ъатрал капитал ремонтрах арцу къадуллай, судрахьхьун булун нанисса ва судрахьхьун буллусса инсантал бакIрай бацIан буллай, миннащал зий бур региондалийсса оператортал.

И. Саидова
Гьашину 6 зурул мутталий 9 миллион арцунсса деларду дур­сса инсантуран, капитал ремонт­рах арцу чара бакъа дулун аьркиншиву бувчIин бунни оператортурал. Арцу ратIлатIисса фондрал даву дайдирхьуния шихунмай тIайла бувккун бур 30 000 судрайн булун багьлагьи­сса аьрза.
Региондалийсса оператор баян буллай ур, судрахьхьун буллусса ишру тикрал къашаву мурадрай, зуруя зуруйн къатрахсса взносру дуллалияра тIий.