Оьмарил арс Дандамаев АьвдурахIман
Август зурул 10-нний оьсса цIуцIаврища ххассал къавхьуну оьрмулул 80 шинаву аьпалухьхьун лавгунни ххишала акъа ххаллилсса, цинявппагу кIулначIа лавайсса хIурмат бусса инсан Дандамаев АьвдурахIман.
АьвдурахIман увну ур 1937 шинал. 1941 шинал Краснодардая дяъвилийн лавгун, 1942 шинал мартрай, 6-ва оьрчIгу махъ ливчIун, Новороссийскалий ппу ивкIуну ур.
АьвдурахIман ГьунчIукьатIув 5 классгу бувккуну, Каспийскалийн интернатрайн лавгун ур. Тикку 10 класс къуртал бувну махъ цала бурж лахъан Аьралуннаву къуллугъ бан лавгун ур. Бурж лавхъун махъ зана хьуну, 1960-1965 шиннардий дуклай ивкIун ур Таганрогуллал Радиотехникалул институтраву. Зий ивкIун ур Дагъусттаннай инженерну АСУП отделениялий, ЭВМ-ру зузи буллай.
1972 шиная шинай, жуятува личIи аннин, зий уссия Дагъусттаннал Политехуниверситетраву хъунама дарсдихьуну. АьвдурахIман ия ххишала акъа цала касму ларайну кIулсса зузала. ДакIнийхтуну бивхьу_сса захIматрахлу АьвдурахIман лайкь хьуну ур чIярусса грамотарттан ва бахшиширттан.
АьвдурахIманнул бивкIулул кьурчIишиву кIидачIлай, жижара буллай буру ванал оьрмулул дус Саниятлухь, арсурваврахь, душнихь, ссурваврахь, цинявппагу гъан-маччаннахь. Цал бунагьирттал аьпа баннав, рухI хъинний дишиннав, алжаннул ххари аннав.
ГьунчIукьатIрал жямат,
дустал, гьалмахтал
Хъуннасса кьурчIишиву кIидачIлай , жижара буллай буру кулпатрахь, арсваврахь, душнихь, гъан-маччанахь, щалвагу агьлу-авладрахь
Оьмарил арс Дандамаев АьвдурахIман
жуятува личIи шаврин бувну. Цал гьав нурданул дуцIиннав, алжаннул ххари аннав. Махънал оьрмурдай барачат бишиннав.
Системалул технологиярттал институтрал коллектив
Хъуннасса къумашиву кIидачIлай, дакIнийхтунусса жижара буллай буру Вихьуллал шяраватусса МахIаммад-ТIагьир ва Ххадижат ХIасановхъахь, миннал язисса арс
Мужагьид
чIун дакъасса бивкIулул жуятува личIи аврийн бувну.
Зул арс паракьат хьусса кIанттул ялув нур лахъаннав, махъминнал оьрмурдай барачат бишиннав.
Ккуллал райондалул азарханалул зузалт
