Ингилис мазрал курсру — Ваччав

Ккуллал райондалий Ваччиял школалий най бур школар­ттай дарс дихьлахьисса учительтурал ингилис маз уграт баврил курсру.

Вай курсру хIасул бувну бур МахIачкъалаливсса «Центр обучения иностранных языков» тIисса идаралул. Курсирдайн занай бур Ккуллал райондалул школарттай ингилис дарс дихьлахьисса ва дихьлан пикрилий­сса учительтал цинявппагу 17. Ва курсирдал директор Игдиян Хишам буслай ур:
— Аьрасатнал кIулшиву дулаврил министерствалул баян бувну бур 2020-ку шинал школар­ттай дуклакисса оьрчIру чил мазурдил ЕГЭ дуллантIишиву.Мунийн бувну Ккуллал райондалул бакIчинал Саэд Сулаймановлул райондалий чил мазурдил дарс дишаврил тагьар хъит учин даву мурадрай жущал кьутIи чирчунни курсру хIасул буван.Жу укунмасса курсру сакин бувссар Ахъу­шиял райондалийгу. Гийх курсру къуртал шайхту, курсирдайн занай, ххуйсса ккаккияртту хьун дурминнан жу багьлул ххирасса бахшишругу дуллуссар. Шихгу дулунтIиссар.