Сайпуттиннул арс Мукаилов Ибрагьимлул ца яла бусравмур пиша яла бувгьуну бур, лахъину пикрирду къабувну. ЧIявусса хIакинтурая Заннала хIакинну ляхъан ув­сса тIун бикIай.Мукунминнава­сса ур Ибрагьимгу.

Му мудангу медициналул кIулшивуртту куртIгу, цIакьгу дуллайнува­сса, цIушиннардал хъирив агьнувасса хIакин ур. ЦIуцIисса базу рахIат бувансса куццуй нахIусса мукъуйнугу, аякьалийсса яхши-хашрайнугу хъин буваймари хIакьсса хIакин. Буниялттунгу, Мукаилов Ибрагьим, цала пиша ххуйну кIулшивруцIун, къашайшалтран дакIурдия щин хIачIан кIулсса, цIуцIисса щавуй ка дишин кIулсса, цала къашайшалтрай хъуннасса дакI цIуцIаву дусса ур. Му ур халкьуннал хIакин, пахру–ххара бакъасса, хьхьичIун урувгсса, тIайлашиву ххирасса.
АрхIал зузиминнаву ва Новостройрайсса агьалинал дянив Ибрагьимлул сий хъуннасса дур, мунал цIанил хIурмат бур. Жу дакIнихтуну барчаллагьрай буру мяйжаннугусса халкьуннал хIакиннайн ва чIа тIий буру уттиния тинмайгу агьалинал цIуллу- сагъшиврул къайгъурдалсса вава бюхъулий буллан­сса шавкьгу, цIуллушивугу. Чан къааннав ина винмагу ххира­сса, инавагу ххирасса Новостройрал жяматран!

Маллааьлиев О. Р.,
Юсупова Р. Ч.,
Кьадиева К. Ч.
ва чIявусса цаймигу
Аьхъардал шяраваллил агьлу