Нара хIадур дурсса «Ттинин Да­гъусттаннай къабувсса операцияртту буллай бур Гъумук» тIисса макьалалий ттуща итххявххун бур гъалатI. «Земский доктор» программалий зузисса жагьилсса хIакинтурал цIардавух дагьну дур Лиана Аминтаевал цIагу.
Тавакъюри му гъалатIрал ялтту бучIаву.

Ча бувкIми ва цукунми багьайссар «Земский доктор» программалий? – тIисса суалданухьхьун жаваб дулуншиврул, жу оьвчарду ДР-лул ЦIуллу-сагъшиву дуруччаврил министерствалийн, ва программалуха зузисса экспертнайн.
«Земский доктор» программа зузи дансса хIукму Аьрасатнал ХIукуматрал кьамул бувну бур 2012 шинал, шяраваллал кIанттай зун ччисса хIакинтал биял къа­хъанай бушиврийн бувну. Программа зий дайдирхьуну дур 2013 шинал. Программалул шартIирдайн бувну, 2013-2014-ку шиннардий «Земский доктор» программалувух гьуртту хьун бюхълай бивкIун бур дахьва интернатура къуртал бувсса хIакинтураща.
Программалийн бувну, арх­сса шяраваллавун зун нанисса хIакинтуран къатта ласун кумаг­ран паччахIлугърал буллай бу­сса бур ца миллион къуруширттал. Программалул шартIирдайн бувну, паччахIлугърая кумаг кьамул бувсса хIакиннан багьлай бусса бур цува зун увкIсса кIанттай ххюра шин дан.
2018 шинал дакIний бусса бур «Земский доктор» программалий дахханашиннарду дан.
З. Тахакьаева