Вай гьантрай, Дагъусттаннал рувхIанийсса бусурманнал идаралул муфтиятрал хIукмулийн бувну, МахIачкъалаллал Хъун мизитрал имамну ивтунни шиккува имамнал хъиривчуну зий ивкIсса МухIаммад-хIажи Саламов.

МухIаммад-хIажинал къуртал бувссар Сайпуллагь-кьади Башларовлул цIанийсса исламрал университет. Зий ивкIссар имамну цал Къянив, яла Гъумук. АрхIала Дагъусттаннал исламрал университетрал аспирантуралуву дугу-дуклай, махъсса шиннардий зий уссия МахIачкъалаллал Хъун мизитрал имамнал хъиривчуну.
Барчагу уллай, чIа тIий буру МухIаммад-хIажинан давриву тIайлабацIу. Барачатсса хьуннав вил увчIаву.

(ЧIал къавхьуну жу МухIаммад-хIажинайн «Илчи» кказитрал редакциялийн хъамалу оьвчинну)

Зулайхат Тахакьаева