Яла машгьурми цIарду дур

оьрчIал дянив МахIаммад, Юсуп, Рамазан, душваврал дянив – Ххадижат, Аьишат, ПатIимат

П. Рамазанова
ЦIусса шин дайдирхьуния мукьах, яъни январь зуруя шинмай, МахIачкъалалив 1500 ташу бувминнал регистрация дурну дур (регистрацияртту къадур­ссагу тамансса бикIантIиссар ташу бувми) ва 5354 чIивитIу дунияллийн бувккун бур. Миннавугу 2727 оьрчI ур. ОьрчIан дизайсса цIардаву яла машгьурмур дур МахIаммад. Мунил хъирив дур Юсуп ва Рамазан.
ДачIи шинал лажиндарай МахIачкъалалив бувну бур 2623 душ. Душваврал цIардаву яла машгьурми дур Ххадижа, Аьйша, ПатIима. Шагьрулул администрациялул пресс-службалул бувсунни пашманмур статистикалиягу. ДачIи шинал лажиндарай личIи хьунсса аьрза буллуну бур 500 кулпатрал. ЦIуну ташу бувсса 1500 кулпат хъанай бухьувкун, кулпатирттал шанма бутIул ца бутIа личIи хъанай бусса бур.