МахIачкъалалив, Ахъушинскийл цIанийсса кучалийсса ххюра зиву дусса къатрал магъилуцIух цIу ларчIун дур.
Ва иш хьуну бур ссят 17.00 хьусса чIумал. Леххаврий бувкIсса ххассал бувултрал, къатрава инсанталгу буккан бувну, ччясса чIумул мутталий лещан дурну дур цIу. Токрал ххалул замыкание хьуну ларчIхьунссар цIу тIий бур. Ва ишираву инсантуран бала хьуну бакъар.
МахIачкъалаллал Кировский райондалул бакIчи СалихI Сагидовлул, циняв квартирардавух увккун, щин ци зарал бивну бурив ххал бувну бур.
ЦIу ларчIсса къатри ххал дан бувкIунни ДР-лул ХIукуматрал Председатель Аьбдуссамад ХIамидов ва МахIачкъала шагьрулул бакIчи Муса Мусаев. Аь. ХIамидовлул цIухху-бусу бунни къатраву ялапар хъанахъиминнахь. Ца хъамитайпалул бувсунни чIарав дуллалисса цIусса къатравунсса ххаллу циняв цила къатрал магъуйх най душиву. Мунилшиврий цIуру-кIуру
