Криминандалул хаварду

Ххуллий оьзру хьунни

Июль зурул 16-нний ссят 21.30 хьусса чIумал Къайтагъуллал райондалий Маджалис-Мамедкъала ххуллий «ВАЗ-2106» машиналий нанисса 42 шинавусса адамина хьунив ххуллийн увккун щун бувну бур тракторданийн.

Трактор дачин дурну ивкIун ур 48 шинавусса адамина.
Ва ДТП-ву куклу машиналул кIия пассажир усса кIанай къуртал хьуну ур. Тракторданул ва куклу машиналул шупIиртал, цIунцIияртту хьуну, Маджалисливсса азарханалийн биян бувну бур.

Марихуана лявкъуну бур

Июль зурул 16-нний ссят 22.30 хьусса чIумал МахIач­къалаливсса Оскардул цIанийсса кIичIирав полициялийн увцуну бувкIсса 35 шинавусса адаминачIа, цIухла бивхьуну, лявкъуну бур 21,87 гр. марихуаналул.
Ва иширал хIакъираву сукку дурну дур уголовное дело, АьФ-лул УК-рал 228-мур статьялул 1-мур бутIуйн багьлагьисса тахсир ккаклай. Ва статьялийн багьлагьисса тахсир хьуманан яла хъунмамур танмихI 3 шинайн бияннин дуснакь аву бур.

МарцI бакъасса зузалт ашкара бунни

Виваллил иширттал министерстволул ОРЧ-лул (оперативно-розыскная часть) зузалтрал ва силистталул управлениялул каялувчитурал УФСБ-лул зузалтращал цачIу кIул бунни лулттурасса ласласисса полициялул зузалт.
СледовательначIа диркIун дур Хасавюртлив ялапар хъанахъисса адиминал хIакъиравусса уголовное дело. Мунай чIярусса арцу цIиклай ивкIшиврий тахсир ккаклай бивкIун бур.
Апрель зуруй следовательнал дело дацIан дурну дур.
Силистталул отделданул хъунаманал ва следовательнал кьутIи дурну дур тахсирлув уллалиманая арцу ларсун дело дацIан дан.
Миннал посредник хьуну ур адвокат. Виваллил иширттал министерстволул каялувчитурал ва иширал хъиривлаявуртту дурну, марцI бакъасса зузалт ашкара бувну бур.
Дагъусттаннал Силистталул комитетрал Силистталул управлениялул кIивагу полициялул зузалал хIакъираву сукку дурну дур уголовное дело. Миннай тахсир ккаклай бур хьхьичIра кьутIи дурну лулттурассаннун чIярусса арцу ласаврий.

Полициялул зузала арцу цIиклай увгьуну ур

Дагъусттаннал МВД-лул ва УФСБ-лул зузалтрал кIул увну увгьуну ур арцу цIиклай ивкIсса полициялул зузала. Му ца хъамитайпа хъяврин буллай ивкIун ур, мунил нину уголовный жаваблувшиндарайн кIункIу къаданну 100 азарда къуруш дула тIий.
Июль зурул 4-нний Къизилюртлив, ГИБДД-лул пострачIа, увгьуну ур арцу ласун увкIсса, ми ци арцу дуссарив къакIулсса посредник. Виваллил иширттал министерствалул каялувчитурал ва иширал хъиривлаявуртту дурну, хьумур кIул бувну бур. Силистталул органнал полициялул зузалал хIакъираву уголовное дело сукку дурну дур.

Ласгу, щаргу бавттун бур

Июль зурул 13-нний 08.30 хьусса чIумал полициялийн аьрзирай увкIун ур МахIачкъалалиясса оьрмулул 80 шинавусса адамина. Ванал бувсун бур ссят 03.30 хьусса чIумал кIулакъасса инсан къатравун увххун, чIила дургьуну нигьал уллай, цаяра арцу тIалав дуллай ивкIшиву, яла цувагу, цала кулпатгу бавттун ливхъшиву. Кулпат, ка гъаргъун, азарханалий уттубишин бувну бур. Ва иш хьусса кIанттурдайн бувкIун бур силистталул группа. Хъиривлаявуртту дурну, полициялул зузалтрал щак багьлагьима увгьуну ур. Му МахIачкъалалиясса 34 шинавусса адамина лявкъуну ур. Силистталул органнал кIул буллай бур мунал мукуннасса цаймигу тахсиркаршивуртту дурнурагу дакъарив.
Ва иширал хIакъираву сукку дурну дур уголовное дело, хъямалашин даврий тахсир ккаклай (ст. 162 г. 2 УК РФ). Укунсса тахсир хьусса инсаннан яла хъунмамур танмихI 8 шинай дуснакь ансса бур.

Ахьттачунайн машина щун бувну бур

Июль зурул 13-нний МахIач­къалалив, МахIаммад­тIагьировлул цIанийсса кучалий дирхьусса къатрал чIарав, «Volvo FW-12» машиналий нанисса 25 шинавусса адаминал щун бувну бур ккаккан къабувсса кIанттурдай ххуллу лахълахъисса 70 шинавусса хъамитайпалийн. Ва бусса кIанай къуртал хьуну бур.

Банкрал карта дарцуну дур

Вара кьини ссят 17.15 хьусса чIумал полициялийн аьрзирай увкIун ур МахIачкъалалиясса 18 шинавусса жагьил. Июль зурул 5-нний кIулакъасса инсаннал ванал къатравун увххун банкрал карта дарцуну дур. Яла муния 91000 къуруш лирккун дур. Хъиривлаявуртту дурну, полициялул зузалтрал му цу уссарив кIул бувну бур. Ва ур 19 шинавусса шиччавасса жагьил. Ва мукIру хьуну ур. Силистталул ххал буллай бур ва мукуннасса цаймигу тахсиркаршивурттах хIалавагу акъарив. Ва иширал хIакъираву сукку дурну дур уголовное дело.
Дагъусттаннал МВД-лул пресс-служба

ХIадур бувссар
А. Аьбдуллаевал