Зума дургьуминнахь ччатI бишинтIий бур республикалул БакIчиналгу

Дагъусттаннал динийсса иширтталсса буллалисса Комитетрал председатель МахIаммад АьбдурахIмановгу гьуртту хьунни агьали зума итадакьин батIайсса МахIачкъалаллал Хъунмизитрал «Рамазанналул чятирданий».

Ва чятирданул даву республикалул БакIчи Рамазан АьбдулатIиповгу гьурттуну «Инсан» тIисса ихIсандалул фондрал давур.Фондрал директор МахIаммадрасул АхIмадовлул бувсмунийн бувну, гьар кьини шаназара инсан атIайсса ур гиккун зума итадакьин. МахIаммад АьбдурахIмановлул бувсунни , кIицI лавгсса фондрал ва республикалул БакIчинал хIарачатрайну зума итадакьин бувкIминнан нахIусса, ххуйсса дукия душиву гьар кьини. Бувсунни Рамазан зурул махъсса ацIва гьантлий зума итадакьин бувкIцириннал дуки- хIачIиялулсса цала харжлугърацIух буван бакIрайн лавсушиву Рамазан АьбдулатIиповлул. Республикалул муфтийнал хъиривчу Идрис Аьбдуллаевлул кIицI лавгунни , зума ритаврил урцIух ккуркки лагавриватугу чIалачIишиву дагъусттаннал халкьуннал цашиву, зума дургьуминнахь ччатI бишавугу чирилунсса давурттаву ца яла кьиматраймур душиву.
П. Рамазанова