Июньдалул 1-нния тинмай байбивхьуну, Дагъусттаннал паччахIлугърал халкьуннал хозяйствалул университетраву хьунни оьрус мазрал ва литературалул декада.

Мунил лагрулий хьунни личIи-личIисса шадлугъру: ккаккан бунни Дагъусттаннал ва оьруснал чичултрал произведениярттайн бувсса пьесарду (Расул ХIамзатовлул «Зунттал душ», Федор Достоевскийл «Тахсир ва танмихI», Антон Чеховлул «Бяълилул багъ»), дурккунни Пушкиннул назмурду, бунни «Брейн-ринг» тIуркIу, хьунни личIи-личIисса конкурсру.
Декадалул лагрулий зий бия 3 дуссукъатта: кIулшиву дулаврил (оьрус маз кIулшиврул, элмийсса хъиривлаявурттал, педагогикалул), творчествалул (маз ва культура, оьрус махъ – дизайнрай), социал зумунусса (социал реклама, аькьилчу ва оратор). Гьарцагу дуссукъатлул лагрулий щаллу бувну бия конкурсрал ва дискуссиялул майданну, хьунабакьавуртту, мастер-классру, культуралул шадлугъру.

Бадрижамал Аьлиева