МахIачкъалаллал аэропортрая Ростоврайн ва Сочилийн лер­ххунни цалчинсса самолетру. Ростоврайн, Сочилийн ва Минводылийн Дагъусттанная лехлай дайдирхьунни «ЮТэйр» авиакомпаниялул ATR-72 модификациялул самолетру.

Тталат ва хамискьинирдай вай рейсирдай леххан бюхъантIиссар Сочилия РостоврайхчIин Ма­хIач­къалалив, арвахI, нюжмар ва алхIаткьинирдай – Мин­воды­лийхчIин.
РостоврайхчIин Сочилия МахIачкъалалийнсса самолетру лехлантIиссар ссят 19:05 хьусса чIумал, Ростоврая агьали буцин ва самолет диянтIиссар ссят 20:35 хьусса чIумал, Ростовраягу самолет сукку хьунтIиссар 21:20 ссятраву, ва самолет МахIачкъалалийн диянтIиссар 23:30 ссятраву. Аьмну Сочилия МахIачкъалалийн дияннинсса самолетрал ххуллу бур 4 ссят ва 20 минутIрал лахъишиврийсса.
Махъуннай МахIачкъалалия ва самолет леххантIиссар 4:20 ссят_раву, Ростоврайн диянтIиссар ссят 6:40 хьусса чIумал, Сочилийн – ссят 9:10.
МинводылийхчIин Сочилия МахIачкъалалийнсса самолет леххантIиссар 18:55 ссятраву, Минводылия агьали буцин самолет диянтIиссар ссят 20:15 минутIраву, ва тичча сукку хьунтIиссар 20:45 ссятраву, МахIачкъалалийн самолет диянтIиссар 22:45 ссятраву. Аьмну МинводылийхчIин Сочилия МахIачкъалалийн дияннин самолетрал ххуллу бур 3 ссят ва 10 минутIрал лахъишиврийсса.
Ва самолет махъуннай Ма­хIачкъалалия Минводылийн леххан­­­тIиссар 6:05 ссятраву, Минводылийн диянтIиссар 7:30 ссятраву, Сочилийн – 9:05 ссятраву.
МинводылийхчIин ва Рос­тов­райхчIин Сочилия Ма­хIач­къалалийнсса самолетрал билетрал дянивсса багьа бур 2240 къурушран бацIлай.