Каспий хьхьирил шинан ва Аьрасатнал Кьинилун хасъсса «Дагъусттаннал туристътурал брендру» тIисса машинарттал кьюкьа сукку хьунни июньдалул 8-нний МахIачкъалалив Оьруснал драмтеатрданучIату.

КIира кьинилул мутталий машинарттал кьюкьа диянтIиссар Дагъусттаннал туристътурал яла бур куми кюрттайн: Дарбантлив, Гъунив, АхIульгав, Дубкилийн ва Лесная поляналийн.
Автопробеграй гьуртту хъанахъиминнахь аьла-ссалам буван бувкIунни личIи-личIисса ведомстварттал, школардал ва вузирдал вакилтал. Миннал тIутIив дирхьунни Расул ХIамзатовлул гьайкалданучIа.
«ХIакьину дайдихьлай дур «Дагъусттаннал туристътурал брендру» тIисса автопробег. Ва проект дуз дуллалиссар инсантал тIабиаьт ххирашиврий тарбия баву мурадрай, виваллил туризм ва машинарттал туризм машгьур даврил цIаний», — увкунни ДР-лул туризмалул министр Рабият Закаевал. Ихтилатру бунни цайминналгу.
ХIакьину, июньдалул 8-нний, 10 ссятраву машинарттал кьюкьа дурккунни МахIачкъалалия.

ХIасан Аьдилов