Дагъусттаннал Виваллил иширттал министерствалий кIицI ларгунни Медициналул зузалал кьини.

Медициналул зузалал кьинилун хасъсса мажлисрай гьуртту хьун бувкIун бия ДР-лул виваллил иширттал министр, полициялул генерал-лейтенант Аьвдурашид МахIаммадов, ванал хъиривчу полициялул полковник АхIмад Баталиев, МВД-лул УРЛС-лул хъунама, виваллил къуллугърал полковник Сахават Сахаватов, мукунма медико-санитар частьрал зузалт.
Аьвдурашид МахIаммадовлул барча дунни Медициналул зузалтрал байран ва барчаллагь увкунни миннахь гьарица кьини ихтияр дуруччай органнал зузалтраха дуллалисса аякьалухлу ва миннан буллалисса кумаграхлу.
— Медициналул зузалал пиша бур яла бусравмур. Зу буллалисса захIматран кьимат бищун къашайссар. Зул кумаграцIух ххассал хьуссар хасъсса операциярттаву щавурду дирсса цикссагу МВД-лул зузалт. Виваллил иширттал министерствалул чулуха, цинявппагу зузалтрал цIания дакIнийхтуну барчаллагь тIий ура зухь къуллугърал бурж дакI марцIну бартбигьлай тIий, — увкуна Аьвдурашид МахIаммадовлул.
Медико-санитар частьрал зузалтран министрнал дуллунни хIурматрал грамотарттугу.
Му кьинилун хасну МВД-лул медико-санитар частьраву баян бувну бия яла хьхьичIунма медициналул зузала язи угьлагьисса конкурс.
Конкурсраву гьуртту хьунни мукьра команда. Цинявппагу гьуртту хъанахъиминнал кка­ккан дунни цала кIулшивуртту ва бюхъу-бажар, медициналул зузалтрал оьрмулувасса лахIзарду. Ххув хьуминнан дунни багьлул ххирасса бахшишру.

А. Аьбдуллаева