Капитал ремонтрахлусса взносирттал хIакъираву

Дагъусттаннал капремонтрал фондрал къатрал (квартирарттал) заллухъруннан баян буллай бур отпускрай цамур кIанайн гьан хьхьичI взносру дулун аьркиншиву.

ХIасан Аьдилов
Гьарца къатлул залуннан кIулссар зуруй циксса арцу дулун аьркинссарив капремонтрахлу. 2017 шинал взнос хIисав дайссар ца квадрат метралух 5 къуруш ва 40 кIапIикI хIисавну. Зува буржлувну къаличIаншиврул, капремонтрахлусса арцу дичин аьркинссар циняв зурдардихлу.
2016 шиная шинмай взносирттал буржру ласайссар бигьасса низамрай. Фондрал юристътурал судрайн тIайла буккайссар буржру бушиврул хIакъиравусса документру, муния махъ 5 кьинилул дянив судиянал хIукму байссар, къатлул заллу акъана. Фондраща му низамрай хъанай бур сайки 200 заявление зуруй булун суд­райн. Судирттал приставтураща шайссар фондрал бурж хьу­сса арцу лиххан дуван банкирдал счетирдая – цIана мукун буллайгу бур.
Бурж ласлай бур цамур низамрайгу. Масалдаран, 10 азарда къурушраяр ххишаласса бурж хьурча, АьФ-лул дазул кьатIув гьан ихтияр къадулун бюхъайссар. Мукунсса танмихI ишла баврил хIакъиравусса аьрза фондрал тIайла бувккун бур судирттал приставтурал къуллугърайн.
Ми масъаларттал хIакъираву лабизан аьркинссар ва адресрай: МахIачкъала, Бугъановлул куча, 17 «Б», 2 зиву.
Телефон +7 8722 555 316 .

ХIасан Аьдилов