Шагьру цIаннавун бахьлаган бюхъайссар тIар

Ччувччусса ттукIрах ттинин къалавхъсса буржру сававну, МахIачкъалаллал паркирдаву, сквердаву ва кIичIирттаву хьхьунил чIумал лахъайсса чирахъру лещан пикрилий бусса бур энергетиктал.

«Дагестанская энергосбытовая компания» ПАО-рал пишакартурал бусаврийну, хъуншагьрулий ялапар хъанахъисса халкьунная дагьлай дусса дур 616 миллион ва 250 азарда къуруш, юридический лицордая – 530 миллион ва 427 азарда къуруш.
Шагьрулуву хьхьунил чIумал лахъайсса чанирдахсса бурж бусса бур 99 миллиондалуха ливчусса.
Компаниялул пишакартурал бусаврийну, шагьрулул ччясса мутталий буржру къалахъарча, кIичIирттаву, паркирдаву ттукIру лешлашисса аварарду байбишин бюхъайссар.

ХIадур бувссар
З. АьбдурахIмановал