Дагъусттаннал парламентрал ярглийсса сессия хьунни

Июньдалул 22-нний хьунни ДР-лул Халкьуннал Мажлисрал ярглийсса 11-мур сессия.
Сессиялий ихтилатру бунни фракциярттал вакилтурал. ДР-лул ХIукуматрал Председательнал хъиривчу Рамазан ЖахIпаровлул ихтилат бунни «Мюхчансса Дагъусттан» тIисса приоритетсса проект дузрайн дуккан даврил хIакъираву.
Республикалул бюджетраву дахханашивуртту даврил ялувсса ихтилат бунни ДР-лул финансирттал министр Юнус Сяъдуевлул ва ДР-лул Счетнийсса палаталул председатель Билал ЖахIпаровлул. Шамилчинсса дуккаврийну ххал диргьунни «ДР-лул заллушиврийсса аьрщарал участкарду даххайни багьа ккаккан баврил низамрал хIакъираву» тIисса закондалул проект. КIилчинсса дуккаврийну ххал диргьунни «ДР-лий аьдлу-низам лиян даврил профилактикалул хIакъираву» тIисса закондалул проект. КIилчинсса дуккаврийну ххал диргьунни мукунна «ДР-лий чIарасса ва дянивсса ишбажаранчишиврул хIакъираву» тIисса ДР-лул закондалуву дахханашивуртту даврил проект ва цаймигу.

ХI. Аьдилов