МахIачкъалаллал Кьиблалул автостанция шагьрулул кьатIув буккан бантIишиву баян бувунни ва нюжмардий Муса Мусаевлул.
Дагъусттаннал кьиблалийсса районнайн, шагьрурдайн маршруткарду занантIисса автовокзал бан тIий бур цIусса кIанттай, уттизаманнул инфраструктурагу, халкьуннансса къулайшиннугу дузал дурсса.
ЦIубакIрай автостанциялия щябикIайсса, бучIайсса халкь циксса бурив хъирив лавну, автовокзалданул логистика ххал дигьинтIиссар. Яла муниха лавхьхьуну бувантIиссар цIусса автостанция.
Ва баврийну кьиблалул чулуха хъун шагьрулийн нанисса ххуллий хъанахъисса машинарттал «чIутIругу» чан хьун аьркинссар ва шивах яхъанахъисса халкьуннан рахIатшиву ххишала хьунтIиссар.
З. АьбдурахIманова
