Махъва-махъсса гюнгутIул чIурду

Вай гьантрай циняв школардай «Махъва-махъсса гюнгутIул»  шадлугъру хьунни.

Гьашину хъун шагьрулул школардал итаакьинтIиссар 11 класс къуртал бувсса кIиазараксса дуклаки оьрчI, 9-ми классру къуртал бантIиссар ряхазараксса оьрчIал.
Хъинну яргну ва тяхъану кIицI ларгунни ва шадлугъ МахIачкъалаллал 13-мур школалул ттуршунничIан бивсса выпускниктурал. Вайннава кьуя дуклаки оьрчI лайкь хьуну ур медаллан. Дуклаки оьрчIру барча бан ва оьрмулул хъунмур ххуллий тIайлабацIу чIа учин увкIун ия МахIачкъалаллал КIулшивуртту дулаврил управлениялул хъунама ТIагьир Мансуров.
Муданна кунна, шадлугъгу хьунни аьтIий-хъяй, дуклаки оьрчIал 11 шинал дянив цала ялув бивхьусса захIматрахлу учительтурахь, школалухь барчаллагь тIисса махъру лахълай, шеърирду ккалай. Школалул мюрщими классирттал дуклаки оьрчIалгу хIадур дурну дия цалла чулухасса хъун дакъасса концертрал программа. Ахирданийгу цинявннал цачIу ссавруннайн шарду итабавкьуна ва выпускниктал шагьрулул паркирдавун сайрданий лавгуна.
З. АьбдурахIманова