Щалвагу билаятран цавувасса балай учаврил гьунар ккаккан бансса сант дуллусса, НТВ каналданий нанисса, дунияллул халкьуннал оьрчIал вокалданул «Ты Супер!» конкурсрал финалданувун бувккунни дагъусттан душ, 15 шинавусса Карина Исмяиловагу.
Ва конкурсрай гьуртту хъанай бур интернатирттай, детдомирттай тарбия хъанахъисса, мукунма хъуни буван кулпатирттал бувцусса ятинсса оьрчIру.
Карина Исмяилова цалчин сахIналийн буккайхтува конкурсрал жюрилул кIицI лавгуна мунил караматсса чIу ва такьва душиву. Композитор Виктор Дробыш ур ляличIиссава чIунил ва гьунарданул заллу бур Карина, му ххув хьунтIишиврийнсса умуд бур, тIий. Махъми наставникталгу дагъусттан душнил гьунарданун лавайсса кьимат бишлай бур.
Телешоулул финал хьун тIий дур Кремлилуву май зурул 26-нний.
П. Рамазанова
