Экологиялул шинан хасну ларгсса нюжмаркьини хъуннасса субботник дунни Гъумучиял шяраваллицIухсса Хъуннеххал зума-къирагърай.

Лакрал райондалул бакIчи хьхьичIну, субботникрайн бувккун бия райондалул администрациялул ва идарарттал зузалт. Неххал зума-къирагърая буккан бунни кьунияхъайсса чуваллу ччюрклил, ччурччунни кьаркьсса кьяртив.
Юсуп МахIаммадовлул кIицI лавгунни Гъази-Гъумучиял зума-къирагъ гьарца шинал интту ва ссуттил марцI дайшиву ччюрклицIа. Гьашину тIурча, Экологиялул шинан хасну марцI дан дакIний бушиву Гъумучиял шяраваллия кIиху-шихуннай лирчумур зума-къирагъгу.