Май зурул 27-нний НТВ каналданул тамашачитуран кIул хьуссар «Ты супер!» тIисса дунияллул халкьуннал вокалданул шоулий ххув хьусса балайчинал цIа. Му – оьрмулул 11шинавусса, Абхазиянавасса Лера Адлейбар. Дагъусттаннал агьалинал хъунмасса умуд буссия, дагъусттан душ, Т. Мурадовлул цIанийсса 5-мур магьирлугърал школалул ученица Карина Исмяилова ххув хьунссар тIисса. Каринал бувгьунни 4-сса кIану.
Проектрай хьхьичIун ливчу¬сса 10 балайчинал бучIантIимур тIайлабацIу бусса хьун аьркинссар, миннал цIарду билаятран кIул хьу¬ссар, миннаща билаятрал яла ххуйми консерваториярттаву дуклан хьунтIиссар гихунмай, тIий бур проектрал сиптачитал. Буниялттунгу, цалчинмур кIану къабугьарчагу, Карина Исмяилова ляличIисса чIунил ва такьвалул заллу бушиврия, мунийн композитортурал ва музыкантътурал хъуннасса вихшала душиврия чичлай бур кказитирттай ва социал сетирдай. ТIайлабацIу баннав! Кремлилувусса та даражалул конкурсрай 4-мур кIану бугьавугу хъуннасса хьхьичIуннайшивур.

П. РАМАЗАНОВА