Итникьини, апрель зурул 24-нний, ссят 14.00 хьусса чIумал, ЦIумадиял райондалийсса Агъвали шяраву компьютердал клубраву пIякь увкуну дур граната.
Ва ишираву зарал бивну бур 11 инсаннайн, миннавасса ца оьрмулуцIа хьуну ур. Агъвалиллал школалул директор Шамил Абакаровлул бусласимунийн бувну,зарал бивминнаву 4 дуклаки оьрчI, 6 студент ур.
Компьютердал клубравун граната ларсун увкIун ур 20 шинавусса клубрал залуннал арс. Му буслай ур граната ца оьрчIаща зерххушиву. Ихтиярду дуруччай органнал бусласимунийн бувну, ва хаварбакъулий хьусса иш бур. Ва иширал хIакъираву АьФ УК-рал 109-мур ва 222.1 статьярдайн бувну дело сукку дурну дур.
