Майрал 9-нний Бюхттулсса Ххувшаврин 72 шин шаврил лагрулий Дагъусттаннал БакIчи Рамазан АьбдуллатIиповлул тIутIив дирхьунни Лениннул Комсомолданул паркиравусса Аьраличу – Тархъанбувул гьайкалдануцI ва «Абадлийсса цIарачIа».

ГьайкалданучIа Хъунмасса Буттал кIанттул цIанийсса дяъвилий жанну дуллуминнал аьпа абад бунни минутIрайсса пахъ багьаврийну, яла салютругу дурунни. Вирттаврал Аллеялий дирхьунни ятIулсса михакрал тIутIив.
Шадлугърал иширай гьуртту хьунни ДР-лул ХIукуматрал Председатель Аьбдуссамад ХIамидов, ДР-лул БакIчинал ва ХIукуматрал Администрациялул Каялувчи Исмяил Апанниев, ДР-лул Халкьуннал Мажлисрал Председательнал 1-ма хъиривчу СайгидахIмад АхIмадов, хъуншагьрулул мэр Муса Мусаев ва цаймигу.