2012 шиная шиннай апрель зурул 21-нний щалагу Аьрасатнаву кIицIлагайссар кIанттул цилакаялувшиннарал кьини. Му кьинилун хас дурсса шадлугъ –хьунни ларгсса нюжмар кьини Лакрал райондалул администрациялий.

Муний гьуртту хьунни райондалул каялувчитал, идарарттал зузалт, шяраваллал администрациярттал бакIчитал. Райондалул бакIчи Юсуп МахIаммадовлул бавтIцири барчагу бувну байрандалущал райондалул идарарттал цаппара хьхьичIунсса зузалтран дуллуна Хiурматрал грамотарду: Аьрасатнал МВД-лул «Лакский» МО-лул балугъравун къабивминнал иширтталсса буллалисса инспектор Нураттинов Амирдун -ДР-лул виваллил иширттал министерствалул чулуха; райондалул администрациялул спорткомитетрал хьхьичIунсса пишакар ХIусманов Маликлун – ДР-лул спортрал министерствалул чулуха; райондалул администрациялул жагьилтуращалсса даврил ва туризмалул отделданул каялувчи Гадаев МахIаммадлун – туризмалул министерствалул чулуха; ххюлуссуннал шяраваллил администрациялул бакIчи Абачараевлул Шамиллун – райондалул администрациялул чулуха.

З. Тахакьаева