Поэзиялул театрдануву Православиялул луттирал кьинилун хасъсса батIаву хьунни. Ванил сакиншинна дурну дия ДР-лул Культуралул ва КIулшивуртту дулаврил ва элмулул министерстварттал ва МахIачкъалаллал РПЦ-лул епархиялул Диндалул сакиншиннардацIун зузисса комитетрал чIарахбацIулийну.
З.АьбдурахIманова
Му луттирал хасъсса батIаврий гьуртту хьунни МахIачкъалаллал ва Грозналлал епископ Варлаам, ДР-лийсса хъунама федерал инспектор Василий Колесников, ДР-лул ХIукуматрал ва Халкьуннал Мажлисрал депутатътурал ва шагьрулул вузирдал, ссузирдал ва школардал дуклаки оьрчIал.
Хъамаллуран тамашалун сакиншинначитурал театрданул залдануву хIадур дурну дия Миллатирттал библиотекалуву мугъаятну ябуллалисса православиянал хьхьичIавасса жура-журасса луттирдал выставка-ярмарка. Мунихун Дагфилормониялул камер оркестр рурцуну бия тамашачитуран тIааьнсса классикалул макьанну.
Хъирив луттирдан хасъсса батIаву тIиртIунни епископ Варлаамлул. Мунал цала ихтилатраву кIицI лавгунни, барачатсса Дагъусттаннал аьрщарай ххачпараснал луттиран хасъсса ва батIаву кIилчинсса хъанахъишиву.
Хъирив махъ лавхъунни Диндалул комитетрал хъунаманал хъиривчу Харбил Харбиловлул. Ванал кIицI бувунни, Дагъусттаннай хъунмасса хIурмат бушиврий шаннагу диндалул ххазинарттал чулинмай ва муниву барачатгу бушиву жула миллатирттан.
БатIаврил ахирданий ххачпараснал луттирдавасса аьвзалзаманнул бусалардавасса бутIри бувккунни Оьруснал театрданул актертурал ва Епархиялул сакин дурну диркIсса поэзиялул конкурсрай ххув хьусса оьрчIал.
