Дагъусттан терроризмалийн къаршину

ХIакьину, апрель зурул 8-нний, МахIачкъалалив хьунни, Санкт-Петербурглив теракт сававну ливтIуми дакIнийн бичлачисса батIаву. «Дагъусттан терроризмалийн къаршину» тIисса митинграй гьуртту хьунни 17 азара инсан.

Апрель зурул 3-нний ссят 14.40 хьусса чIумал Санкт-Петербурглив, «Технологиялул институт» ва «Сенная площадь» станциярдал дянив, пIякь учаву хьунни. Ва ишираву 14 инсан ивкIунни, 50 инсаннайн щавурду дирунни. ПIякь учаву хьуну махъ «Площадь Восстания» станциялий пIякь учин хIадур дурсса цамургу зат ляркъуну дур.