Инсантуран оьзру хьунни

Апрель зурул 3-нний ссят 14.40 хьусса чIумал Санкт-Петербурглив, «Технологиялул институт» ва «Сенная площадь» станциярдал дянив, пIякь учаву хьунни. Ва ишираву 14 инсан ивкIунни, 50 инсаннайн щавурду дирунни. ПIякь учаву хьуну махъ «Площадь Восстания» станциялий пIякь учин хIадур дурсса цамургу зат ляркъуну дур.
Ва иширал хIакъираву Аьрасатнал Силистталул комитетрал, «Террорист акт» статьялийн бувну, уголов даву сукку дунни.
ПIякь учаву дуршиврий щак багьлагьисса инсаннал «Исламское государство» тIисса (Аьрасатнаву къадагъа дурсса) террористурал организациялул вакилтуращал дахIавурагу дакъарив ххал дуллай бур.
Аьрасатнал Юстициялул генерал Александр Бастрыкиннул тапшур бунни мугьлат бакъа ва иширал хъиривлаявуртту дан, щак багьлагьиминная гьарзат кIул бан, мукунма ИГИЛ-дануву миннащал (Аьрасатнаву къадагъа дирхьусса организация) цукунчIавсса дахIаву дурив-дакъарив хъирив лаян.