МахIачкъалаллал «Анжи» командалул футболчитал чил майданнив ххув хьунни Грозналлал «Терекраяр», Аьрасатнал футболданул премьер-лигалул 24-мур турданул тIуркIулий.

ТIуркIу хьунни апрельданул 22-нний «Ахмат-Арена» стадиондалул майданнив. «Анжи» ххув хьунни 1:0 счетрай. Гол бавкьунни 14-мур минутIрай МахIачкъалаллал форвард Браун Форбслул.
ЦIанасса ппурттуву жулла командалул бур 27 очко ва турнирданул таблицалий дур 12-мур кIанай. МахIачкъалаллал командалул хъирив нанимур «Крылья Советов» командалул бур 20 очко.
ХIасан Аьдилов