Гъумук хъарас щаврил байрандалул лагрулий Хан-Муртазааьлил гьайкалданул лагма-ялтту бувгьунни 35 мурхь.
Му иширавух, райондалул бакIчитурацIун, идарарттал каялувчитурацIун ва зузалтрацIун, гъирарай хIала бувххунни Лакрал райондалул ва лакрал миллатрал муданмасса чIарахбацIулт: ДР-лул Жяматийсса Палаталул хъунаманал хъиривчу Ссапар Аьбдуллаев, Аьбдулхаликь Халикьов, Сайпуллагь Аьбдуразакьов, ДР-лул Халкьуннал Мажлисрал депутат ЖахIпар Абуев цала арсвавращал ва Москавлия бувкIсса гъанчунащал.
Райондалул бакIдургьуминнал бувсунни Экологиялул шинан хасну ттигу тамансса мурхьру бугьан дакIний бушиву Гъумук – цIуну буллалисса паркраву, ВицIхъиял махIлалий – ххуллул тия ва шия.
