Уттигъанну Москавлий хьу­сса творчествардал коллективирттал дянивсса «Бюхттул­сса билаят» тIисса дунияллул халкьуннал дянивсса конкурсрая-фестивальдания ххувшаврищал зана хьунниКаспийскаллал музыкалул ва хореографиялул гимназия-интернатрачIасса Артур Хайбуллаевлул ва РахIима Сулаймановал каялувшиндаралусса, «Ссалам» ансамбль.

Бадрижамал Аьлиева
«Бюхттулсса билаят» тIисса цалчинмур конкурсрай Каспийскалиясса чIава къавтIалт най буна шанна номинациялий гран-приран лайкь хьуну бур. Му ба­къассагу, кIилчинсса кIану «инструментальное творчество» номинациялий ва шамилчинсса кIану «вокал» номинациялийгу бувгьуну бур.

https://www.youtube.com/watch?v=C3I0CPJ4K1w&feature=youtu.be
«Аьрасатнал пахру» тIисса кIилчинсса конкурсраву коллектив лайкь хьуну бур гран-приран ва цалчинсса кIива кIанттун.
«Ссалам» ансамбльданул каялувчи Артур Хайбуллаевлун ва балетмейстер-постановщик РахIима Сулайманован (вай жулва лакрал жагьилталли) буллуссар дипломру «Пишакарсса усттаршиврухлу» тIисса.

Ва коллективрал уттинин­гу цикссагу хьхьичIунсса кIанттурду бувгьуссар личIи-личIисса конкурсирттай, республикалул ва билаятрал лагрулийсса вайннал ххувшавурттая хьхьичIвагу чивчуссия жула кказитрай.
Ялугьланну уттигу ва коллективрал цIу-цIусса ххувшавур­ттах.