Экологиялул шинан хасну дуллалисса мероприятиярттал лагрулий 2-мур ИК-лий (исправительный колониялий) хьунни субботник. Лазилакьи бунни идаралул лагма-ялттусса кIанттурду, кIяла бунни мурхьру ва бордюрду, марцI бунни машинартту бацIайсса кIанттурду. Идаралий аьдатравун дагьсса субботникрайн бувккунни цинявппагу колониялул зузалт.

Ххуллурдай мюхчаншиву дуруччаву мурадрай

УФСИН-лул зузалтрал ххуллул низамрал тIалавшиннарду къадурурччусса кIанттурду къашаву мурадрай, управлениялул зузалтращал хьунаакьин увкIун ия УГИБДД-лул вакил, полициялул хъунама лейтенант Руслан РахIимов. Хьунабакьаврил сиптачитал хьунни УФСИН-лул коррупциялийн къарши бацIаврил инспекция.
УФСИН-лул зузалтрал ГИБДД-лул вакилтуращалсса хьунабакьавуртту ччя-ччяни шай. Ва ххуллухсса хьунабакьаврил мурад бия управлениялул зузалт республикалул ххуллурдайсса тагьарданущал ва административ тIулдакъашивурттал хIакъиравусса кодексраву хьусса (КоАП) дахханашивурттащал кIул баву.
Руслан РахIимовлул аьч дунни республикалул ххуллурдайсса ДТП-ттал статистика, бувсунни мукунсса иширттахлу цукунсса жавабрайн (административ ва уголовный) буцайссарив. Управлениялул зузалтрал буллунни цанма кIул хьун ччисса масъаларттал хIакъиравусса суаллу.
ЧIявуми суаллу бия ххуллул низамрава бувкминнай дихьлахьисса аькIрал ва машинарттай газрал балонну дишаврил хIакъиравусса. УФСИН-лул каялувчитурал барчаллагь увкунни УГИБДД-лул хъуниминнахь ва Госавтоинспекциялул зузалтрахь ххуллурдайсса тагьар ххуй дан, аьрххи-ххуллийн бувкми бала-апатIрая мюхчан бан бихьлахьисса захIматрахлу.

Ххуйсса кьимат бивщунни

Дагъусттаннал ФСИН-лул управлениялий бунни махъсса кIира шинал дянивсса финансирттал ва хозяйстволул тагьар ххал дуллалисса ревизия. Ревизия бунни Аьрасатнал ФСИН-лул иширтталсса буллалисса управлениялул контроль-ревизион инспекциялул.
Республикалул УФСИН-лул зузалтгу гьуртту хьусса совещаниялий ревизион комиссиялул председатель, УИС-рал кIанттул органнал финансирттал ва хозяйстволул даврил ревизия байсса отделданул хъунама, виваллил къуллугърал подполковник Роман Беровлул бувсунни ревизиялул хIасиллая.
Ванал кIицI лавгунни ревизия бувсса комиссиялул ххал бивгьушиву Управлениялул ва миннайн хъарсса идарарттал хъуниминнал финансирттацIун бавхIусса ва юридический документру.
— Цаппарасса диялдакъашивурттах къабурувгун, аьмну республикалул УФСИН-лул финансирттал ва хозяйстволул даву ххуйсса даражалий дур, — увкунни ванал.
УФСИН-лул хъунама, виваллил къуллугърай генерал-майор Муслим Даххаевлул кIицI лавгунни комиссиялул хъинну ялув бавцIуну ххал дуршиву Управлениялул ва мунил биялдарайсса идарарттал даву.
Ванал барчаллагь увкунни комиссиялул члентурахь мюнпатсса маслихIатирттахлу ва кумаграхлу.

Дагъусттаннал УФСИН-лул пресс-служба

ХIадур бувссар А. Аьбдуллаевал