КIулшивурттал даража гьаз баву мурадрай


Апрель зурул 26-нний МахIачкъалалий шадлугърал даражалий байбивхьунни «Новое качество – новые цели» тIисса кIулшивуртту дулаврин хас бувсса форум.

Форум давриву гьуртту хьунни Дагъусттаннал БакIчи Рамазан АьбдуллатIипов, Рособрнадзорданул хъунаманал хъиривчу Анзор Музаев, ДР-лул ХIукуматрал вице-премьер Екатерина Толстикова,ДР-лул КIулшивуртту дулаврил ва элмулул министр, ДР-лул Жяматийсса палаталул председатель ХIамзат ХIамзатов ва хьхьичIунсса экспертътал.
Форумрал даву дайдишин хьхьичI Республикалул БакIчинал хъамаллуращал ххал дунни ва мероприятиялун хас дурсса экспозиция.

Пленарный заседание къуртал хьуну махъ, дайдирхьунни шагьрурдал ва райондал бакIчитурщалсса совещание ва Дагъустттаннал учительтурал ассоциациялул мажлис.
Гихуннайсса форумрал даву хьунтIиссар Дагъусттаннал КIулшивуртту хьхьичIуннай даврил институтраву, кIулшивуртту дулаврил хIакъиравусса личIи-личIисса масъалартту гьаз буллалисса, 11 секциялийх дарчIуну.
Форумрал хIасиллугу шиккура дантIиссар.
КIулшивуртту дулаврил форумрай мукунма гьурттушинна дунни Аьрасатнал лавайсса даражалул школалул методолготал, ресупбликалул вузирдал ректортурал, преподавательтурал, ДР-лул Халкьуннал мажлисрал депутатътурал, министерствардал ва ведомствардал, школардал активистътурал , студентътурал.
Форум ларгунни Дагъусттаннал БакIчинал проектру щаллу дуллалисса, республикалий дуккаврил даража гьаз баву мурадрайсса давурттал лагрулий.
Форумрал сакиншинначи хьунни Дагъусттаннал ХIукумат

И. Саидова.