Виричунан хас бувсса шеърирдал конкурс

Гьашину сентябрь зурул 6-нний 100 шин ниттил увния шиннай барт лаглагиссар СССР-данул Виричунан ЧIяйннал шяравасса ЦIаххуй Маккаевлун.

Ва кьинилун хас дурсса хъуннасса шадлугъ хьун тIий дур ЧIяйннал шяраву август зурул 8-нный.
Жула Виричунан хас бувсса шеърирдал конкурс хьунни 20-нний апрельданул Ккуллал райондалул школардал дуклаки оьрчIал дянив. Конкурсравух гьуртту хъанай бия: Хъусращиял, Ккуллал кIивагу, Ваччиял, Хъювхъиял, Къяннал, Вихьуллал школардал дуклаки оьрчIру.Конкурс най бия райондалул УО-лул къатраву. Конкурсрал каялувчину ия УО-лул пишакар АхIмадов Нураттин. Циняв школарттал оьрчIал цала ляхъан бувсса виричунан хас бувсса шеърирду бувккуну махъ жюрилул хIукму бувуна цалчинмур, кIилчинмур, шамилчинмур кIантту къабуллуну конкурсравух гьуртту хьусса циняв оьрчIан УО-лул чулухасса грамотартту дулун.

ХIажимурад ХIусайнов