Ттигъанну Лакрал райондалий хьунни аьдатравун багьсса Интнил байрандалун хас бувсса волейболданул бяст-ччал. Бяст-ччал шайссар гьарца шинал райондалул спорткомитетрал сакиншиндарайну.

Бяст-ччаллий гьуртту хьунни 6 команда: 1-мур кIану бувгьунни ЧIурттащиял командалул, 2-мур кIану – райондалул цIулещандувултрал командалул, 3-мур кIану – волейболданул ветерантурал командалул.
ХьхьичIунсса кIанттурду бувгьусса командарттан ва хьхьичIунну буклай бивкIсса гьурттучитуран буллунни райондалул администрациялул чулухасса дипломру ва арцуйнусса бахшишру.
ЦIанасса чIумал райондалул спорткомитет хIадур хъанай бур Ххувшаврил кьини райондалий хьунтIисса спортрал личIи-личIисса тIуркIурдал бяст-ччаллайн.
ХIадур бувссар
Зулайхат Тахакьаевал