Мартрал 29-нний Дагъусттан Республикалул БакIчи Рамазан АьбдуллатIипов ивунни Хайдакьуллал райондалийн. Мажалисуллал шяравун гъансса ца хъув ванал щунни Цалчинсса хъарас. Мунийну республикалий дайдирхьунни шяраваллаву хъунил давурттал чIун.
ХI. Аьдилов
Республикалул хъунама кIул хьунни къюмайтIутIи ххяххан бавриха зузисса, Ибрагьим МахIаммадов каялувчисса хозяйствалущал. Му хозяйствалий зий ур 10 инсан, сакин дурну дур 2015 шинал, тIутIи бувгьуну бур 20 гектарданий, ласайсса дур 230 тонна бакIлахъиялул.
Шиккува бусан, Хайдакьуллал райондалий тIутIи ххяххан буллай дур личIи-личIисса журалул хозяйствартту: 1 ГУП, 1 СПК, 2 МУП, 7 КФХ, ва агьалинал тIювалул хозяйствартту. ТIутIи бувгьуну бур 1163 гектарданий.
