Мартрал 18-нний Ккуллал райондалий, Ваччиял школалий, хьунни дуклаки оьрчIал дянивсса, «Белая ладья» тIисса шахматирттай буккаврил турнир. Турнирданул сиптачину бия райондалул УО.

Шахматирттай буккаву дия, оьрчIал мюрщи-хъунишиврух бурувгун, кIива даражалийсса.
Турнирданул ахирданий жюрилул дурна укунсса жямру:
Цалчинми классирттаву: 1-мур кIану – Оь. Исакьов, Ккуллал 1-мур школа; 2-мур кIану – И. Аьбидов, Ккуллал 2-мур школа; А. Ибрагьимов, Ваччиял школа; 3-мур кIану – Ю. Каллаев, ЧIяйннал школа.
Гайми классирттаву: 1-мур кIану – М. Исакьов, Ккуллал 2-мур школа; А. Чаринов, Ккуллал 2-мур школа; 2-мур кIану – Г. Гайларов, ЧIяйннал школа; 3-мур кIану – К. Кьурбанов, ЧIяйннал школа; Р. Кьадиев, А. Аьлиев, Вихьуллал школа.
Ххув хьуминнан дуллуна грамотартту ва дипломру.