Аьрасатнал Президентнал 2010 шинал ноябрь зурул 16-нний цIакь бувсса хIукмулийн бувну, март зурул 12-нний кIицI лагайссар Аьрасатнал УИС-рал (уголовно-исполнительный системалул) зузалтрал кьини.
Гьашину Аьрасатнал УИС сакин хьуну 138 шин бартлаг­лагиссар. БайрандалуцIун бавхIуну, Дагъусттаннал ФСИН-лул управлениялий ва цинярдагу республикалул исправительный идарарттай хьунни шадлугърал мероприятияртту.
Дагъусттаннал УФСИН-лул хъунаманал хъиривчу, виваллил къуллугърал полковник Аьли­кьади МахIаммадовлул барча бунни уголовно-исполнительный системалий зузими пишалул байрандалущал. Цала ихтилатраву ванал кIицI лавгунни, хъунна­сса хъаргу лархъун, захIматсса шартIирдай зий бунугу, ва системалий зузиминнал дакI марцIну бартбигьлай бушиву цала къуллугърал буржру. Аьликьади МахIаммадовлул управлениялул хъуниминнал цIания ва цала чулуха барча бунни Дагъусттаннал УИС-рал ветерантал ва миннал кулпатру.
— Щак бакъар, Дагъусттаннал УФСИН-лул коллективрал уттиния тихунмайгу лайкьну бартбигьланшиврийн цала буржру ва шай­сса хIарачат баншиврийн Аьрасатнал уголовно-исполниительная система цIакь дан.
— УИС-рал зузалтрал пишалул байран кIицI дуллалаву – му ва системалий зий, билаят­рай законнал ва низамрал къаралданий бавцIуминнал, агьалинал мюхчаншиву дуручлачиминнал, цайминнал цIаний жан дулун хIадурминнал хIурмат бавур, вайннал захIматран кьимат бищавур. ФСИН-лул хьхьичI бивхьусса агьамсса ва жаваблувсса масъалартту щаллу буллан бигьа бакъассар. Вай масъаларттаха зузими кьянкьа-кьурчIисса, ссавур дусса, бикIан аьркинссар, — увкунни Аьли­кьади МахIаммадовлул. Ванал ихтилат къуртал хьуну махъ, дакIнийн бивчунни къуллугърал бурж бартбигьлай жанну дуллусса зузалт. Миннал аьпалун минутIрайсса пахъ багьаву дунни.
Хъирив УИС-рал зузалт барча буллалисса ихтилат бунни Дагъусттаннал УФСИН-лул Ветерантурал Советрал председатель Афсаладдин Кахаевлул.
— Зул бюхъугу, опытгу биял хьунссар тIий ура ттиния тихунмайгу зула къуллугърал буржру лайкьну бартбигьлан, — увкунни ванал.
— ФСИН-лул зузалтран хъун­на­сса даву дуллан багьлай бур. Бяйкьусса инсантал тIайла бацIан бан, ми реабилитациялул хьун бан къабигьассар. Мунияту вай идарарттай зузими ляличIисса хасиятру дусса, жаваблувсса, цала Ватангу, жяматгу ххирасса, миллатрах, диндалух къабурувгун, инсаннах ччаву дусса бикIан аьркинссар, — увкунни МахIачкъалаллал епархиялул отделданул хъунама, дьякон Александр Никитиннул.
Хъирив уголовно-испол­ни­тельный системалуву хьхьи­чIунну зузиминнан дуллунни личIи-личIисса наградартту.
Мажлис къуртал хьунни къуллугърал бурж биттур буллай жанну дуллуминнал гьайкалданучIа тIутIив дишаврийну.
Дагъусттаннал
УФСИН-лул пресс-служба
ХIадур бувссар
А. Аьбдуллаевал