Март зурул 7-нний Ккуллал райондалул Ваччавсса ЧIунлахъиялул центрданул залдануву хьунни хъаннил кьинилун хас дурсса гьарта-гьарзасса байран. Байран дачин дурну бия Хъювхъиял шяраваллил культуралул къатлул хъунмур Оьмаева Рукьижат ва Хъусращиял Халкьуннал театрданул режиссер Сулайманов Марсел.
Райондалул администрациялул чулуха ниттихъул, ссурвал, душру ва циняв хъами барча бувна Ккуллал райондалул бакIчинал хъиривчу Илиясова Сабринал.
Хъирив ккаккан дурна культуралул зузалтрал ва школарттал дуклаки оьрчIал хIадур дурсса концерт. Концертравух гьурттушиву дурна: ХIабибуллагь Кьурбановлул, Саманият Аьлиевал, Арсен Аьбдуллаевлул, ХIасайни Оьмариевлул, Гриша Ванатиевлул, Муслим Суллиевлул, Зульфия Даллаевал, Гулжагьра Рамазановал, Асият МахIаммадовал, Марина Ванатиевал, Шавлухъ СалихIовал, Басират ХIусайновал, ПатIимат Каптаровал, Сулжана АхIмадовал, Кьурбан Аьлибековлул, ЧIяйннал школалул душварал коллективрал ва цайминнал. Байран най дия кIира ссятрал лахъишиврий.
Барча, хъамий, зул байран!
