Дагъусттаннал ФСИН-лул управлениялул давриву ляличIисса къулагъасралун лавсъсса масъала бур республикалул пенитенциар идарарттавун къадагъа дирхьусса затру: мобильный телефонну, наркотикру ва спирт хIаласса хIачIия духхан къадан ялув бацIаву.
Ноябрь зурул 29-нний ссят 14.00 хьусса чIумал, профилактикалул мероприятияртту нанисса ппурттуву, исправительный идаралул чIаравсса кIанттурдай 7-мур ИК-лул оператив отделданул зузалтрал вара идаралул къаралданул отделданул зузалтращал цачIу увгьуну ур агьаммур чапарданул ялтту къабучIи буллалисса затру дичин кьаст лархIусса, Новый Хушет поселокраясса адамина (1944 ш.у.). ЦIухла бивхьуну, муначIа лявкъуну бур мукьра сотовый телефон дирхьусса полиэтилендалул кьуцури.
Ва иширал хIакъираву ттигу хъиривлаявуртту дуллай бур. ЦIанасса чIумал административ тIулдакъашиврийн дагьайсса циняв материаллу дартIун, мировой судрайн тIайла дурккун дур багьайсса хIукму бан. Укунмасса иширан ххуллу кьувкьуну бур ва идаралуву декабрь зурул 3-ннийгу.
Ва кьини, ссят 22. 55 хьусса чIумал, бавсса информациялул хъирив лаллай, идаралул оператив отделданул зузалтрал ва МВД-лул УКОН-лул зузалтрал вара колониялул чIарав увгьуну ур МахIачкъалалиясса адамина (1998 ш.у.). ЦIухла бивхьуну, муначIа лявкъуну бур ялтту скотч бавхIусса спичкардал къурши. Муниву диркIун дур 43,62 гр. марихуаналул.
Ва иширал хIакъираву материал дартIун, АьФ-лул УПК-рал 144-мур ва 145-мур статьярдайн бувну, му МВД-лул УКОН-лул зузалтрахьхьун дуллуну дур багьайсса хIукму бан.
Дагъусттаннал УФСИН-лул пресс-служба
