Щалагу дунияллий ДТП-ву оьрмулуцIа хьуми дакIнийн бичайсса кьинилун хасну, 9-мур колония-поселениялий хьунни УГИБДД-лул вакилтуращалсса хьунабакьаву. Къизилюртливсса 9-мур колония-поселениялий щябивкIминнащал хьунаакьин увкIунни УГИБДД-лул пропагандалул группалул каялувчи, полициялул хъунама лейтенант Руслан РахIимов.
Ванал кIул бунни дуснакь бувми республикалул ххуллурдайсса ДТП-ттал статистикалущал, кIицI лавгунни вай авариярттаву чIявусса инсантал оьрмурдацIа хъанай бушиву. БувчIлачIисса куццуй, мукунсса иширттаву тахсир хьусса инсантуран дуснакь бансса танмихI кьукьлай бур.
— ДТП-тту хъунмурчIин хъанай дур шупIиртал машинартту леххан бувну най, хIарчIун ягу наркотикру ишла бувну рульданух щябикIлай тIий, мукунма цаймигу ххуллул низамрал тIалавшиннарду къадуручлай тIий, — кIицI лавгунни цала ихтилатраву Р. РахIимовлул. Аьрасатнал законнайн бувну ва журалул тахсиркаршиврух яла чIяруну 9 шинай дуснакь ансса танмихI кьукьлай бур.
ЦIанасса чIумал 9-мур колония-поселениялий АьФ-лул УК-рал 264-мур статьялийн бувну («Нарушение правил дорожного движения и эксплуатации транспортных средств») щябивкIсса 10-нния ливчусса инсантал бур.
УГИБДД-лул вакилнал ихтилат къуртал хьуну махъ дуснакь бувминнан ккаккан дунни ДТП-ттаясса цаппара сюжетру. Ахирданий колония-поселениялий щябивкIминнал цанма кIул хьун ччимунил хIакъираву суаллу буллунни УГИБДД-лул вакилнахьхьун.
Хьунабакьаву, аварияртту дурну щябивкIминнан бакъассагу, цинявппагу дуснакь бувминнан мюнпатсса хьунни.
ДР-лул УФСИН-лул
пресс-служба
ХIадур бувссар
А. Аьбдуллаевал
