Низам дуруччавриву жагьилтуралмур бутIагу

44_photo_14Октябрьданул 25-нний Каспийскалий Санкт-Петербургуллал полициялул колледжрал филиалданул базалий хьунни Республикалул II конференция «Роль современной молодежи в укреплении общественного порядка» цIанилусса. Му сакин бувну бия ДР-лул Виваллил иширттал министерствалул, Санкт-Петербургуллал полициялул колледжрал филиалданул (ш. Каспийск), щалагу Аьрасат­нал паччахIлугърал юстициялул университетрал Ухссавнил Ккавкказуллал филиалданул (ш. МахIачкъала).

Бадрижамал Аьлиева
Конференциялул давривух гьуртту хьунни республикалул студентътал, мукунма Аьрасатнал цаппарасса регионная­сса студентътал, республикалул шагьрурдал школардал дуклаки оьрчIру.
Конференциялул сакиншинначитурал агьаммур мурад бур обществалул цIурувкьюсса ма­съалартту щаллу бавриву жагьилталгу лагма лаган баву.
Конференция байбихьлай, ихтилат бунни МВД-лучIасса Жяматийсса Советрал председатель, ВГУЮ-лул Ростовуллал институтрал директор Багьауттин МахIаммадовлул. Гихунмай мукунма ихтилатру бунни ВГУЮ-лул СКИ-рал директор ХIусайн МахIаммадовлул, Санкт-Петербургуллал полициялул колледжрал Ухссавнил Ккавкказуллал филиалданул директор МахIаммад Лахияловлул, ДР-лул МВД-лул личный составращалсса даврил управлениялул начальник Сахават Сахаватовлул, мукунма цайминналгу. Хъирив личIи-личIисса док­ладру бунни конференциялул гьурттучитурал.
Конференциялул даву дарчIуну дия секциярттайх.
Конференциялул даврил хIасиллайн бувну, язисса доклад­ру, ихтилатру бувминнан дуллунни ДР-лул Виваллил ишир­ттал министерствалул чулуха­сса арцуйнусса бахшишру, грамотарду, сертификатру, Барчаллагьрал чагъарду.