Аминнул душ Абачараева Анжела
Биялсса хIаллай захIматну къашавай шанийгу бивкIун, оьрмулул 53 шинаву жуятува батIул хьунни ГьунчIукьатIрал шяраватусса Аминнул душ Абачараева (Аьбдуллаева) Анжела.
Анжела бувну бур 1963-кусса шинал Каспийск шагьрулий. МахIачкъалалив дянивмур даражалул школагу бувккуну, бувххун бур Дагъусттаннал паччахIлугърал университетрал тарихрал факультетрайн ва му ххаллилну къурталгу бувну бур 1985-кусса шинал. Зий бивкIун бур педагогнал пишалий МахIачкъалаллал 39-мур школалий.
Цибанссар, бяливчIунни ххаллилсса инсаннал оьрму, къанясивну лявкъунни Анжелан цила аьзизсса арснал ва душнил оьрмурдал тирхханнурду ккаккан, ми мурадирал ххуллурдайн тIайла буккан, миннал оьрчIру карав щябитан.
Анжела аьпалухьхьун лагаврил хъуннасса къумашивугу кIидачIлай, дакIнийхтунусса жижара буллай буру ванил ниттихь Лизахь, буттахь Аминнухь, ласнахь Камиллухь, оьрчIахь, уссихь Загьидинахь, ссихь Аминахь ва махъсса цинявппагу гъан-маччаминнахь.
Цил бунагьирттал аьпа баннав, рухI бигьаний дишиннав. Анжелал оьрмулия кьувкьусса кьисмат мунил оьрчIан, агьлу-авладран ххи бувну лякъиннав Заннал.
ГьунчIукьатIрал
ва Ххюлуссуннал жямат
Дазу-зума дакъасса дард-хажалатгу кIидачIлай, дакI цIуцIисса жижара буллай буру жула даврил уртакь Амин Аьбдуллаевлухь, мунал аьзизсса душ
Анжела
аьпалухьхьун лагаврийн бувну.
Цил гьав нурданун дизаннав, имандалий лавгун лякъиннав.
«Илчи» кказитрал коллектив
Хъуннасса кьурчIишиву кIидачIлай буру ГьунчIукьатIрал шяраватусса Аьбдуллаев Аминнухь, Лизахь, Аминатлухь, Загьидинахь, Аминнул ссурваврахь, уссихь, Лизал ссурваврахь, Анжеллал ласнахь Камиллухь, оьрчIахь, цинявппагу гъан-маччанахь, вайннан ххирасса
Анжела,
биялсса хIаллай цIуцIи шанийгу бивкIун, букъав дару-дарманнугу къабивтсса нитти-буттаща, ххирасса оьрчIаща ажалуннил зеххаврийн бувну. Махънахьхьун цIуллушиву дулуннав. Мунин бакъамур оьрмулул кьисмат мунил оьрчIан, махъсса уссурссуннан булуннав.
Анжеллал рухI пирдавс-алжаннул ххари даннав, гьав нурданул дуцIиннав. Амин!
КIямашрал жямат
Валил арс ХIабибуллаев МахIаммад
Хархавар бакъа аьпалувух ивхьунни ххаллилсса бархъарачу, МахIачкъалаллал шагьрулул администрациялий зузисса, Валил арс ХIабибуллаев МахIаммад.
МахIаммад увну ур Бархъаллал шяраву 1961 шинал муаьллимну зий ивкIсса Валил ва Рукьижатлул кулпатраву. Школагу, институтгу къуртал бувну махъ МахIаммад уссия МахIачкъала шагьрулийн багьайсса иширттаха зий шагьрулул администрациялий тамансса шиннардий.
МахIаммад ия хъинну хъинсса, хасиятраву хIалимсса, чув хьунабакьирчагу, бархъаллал чIарав ацIайсса, аьркиннан кумаграл ка тIитIайсса инсан. АрхIал зузиначIагу хъунмая ванал хIурмат-иззат. Дуссия дуллусса бахшишру, грамотарттугу, барчаллагьрал чагъардугу. АцIайссия Бархъаллал шяраву дуллалисса гьарцагу мероприятиярттал чIарав, байссия цащава шайсса ка-кумаг. ХIайп, къаивтунни махъсса ппурттуву гьарцаннахуннагу ххарарххусса, дару-дарман бакъасса уран цIуцIаврил кIункIу бувсса ажалуннил цалваминнангу ххирасса, жун, архIал дуклай бивкIминнангу, бусрав, хIурмат лавайсса МахIаммад. Яла ххуймур оьрмулий лавгунни дунияллия. Лавгунни оьрчIая, оьрчIал оьрчIая ххари хъанай, миннан хъунаттатташиву дансса мутта зевххуну, аьзизминнал чIарав ацIансса чIумул мутта бухлавгун.
МахIаммадлул кьурчIисса бивкIулул къумашивугу кIидачIлай, жижара буллай буру ниттихь, кулпатрахь, оьрчIахь, уссурваврахь, ссурваврахь ва махъсса цинявппагу агьлу-авладрахь. Махънал оьрму лахъи баннав. МахIаммадлун къабуллусса оьрмулул бутIа мунан ххирану ивкIнан булуннав. МахIаммадлул гьав нурданул дуцIиннав, алжаннул ххари аннав.
Мудангу ина дакIнийсса архIал дуклай бивкIминнал ва Бархъаллал жяматрал цIания Заза
