Дагъусттаннал БакIчи хьунаавкьунни Аьрасатнал Строительствалул ва ЖКХ-лул министрнащал

16_43_19Региондалул хъунаманал министрнахь бувсунни Аьрасатнал Минстройрал хъаттиралу программартту щаллу даврил хIакъираву ва бувсунни му бутIун хасну дурсса давурттал хIасиллая.

Рамазан АьбдуллатIиповлул мукъурттийн бувну, цIанасса ппурттуву Дарбантуллал райондалий дуллай бур кьюркьусса экономикалул классрал къатрал 100 азарда квадрат метрарду. Мукуннасса даву дуллай бур рес­публикалул дязаннул бутIуйгу.
«Каспийск шагьрулул цIусса микрорайоннай дантIиссар экономикалул классрал 180 чIявуквартирарду бусса къатри. Тиккура дантIиссар ижаралий ласун бюхъайсса, коммерция хIала дакъасса къатри», — увкунни Дагъусттаннал БакIчинал.
Рамазан АьбдуллатIиповлул бувсъсса куццуй, республикалий буллай бур коммунал инфраструктуралул объектру. Му бутIуву зий дур 554 организация, миннувату 359 (66,3%) дур цивппа заллусса.
Щинаххуллу бувну бур Ахъу­шиял шяраву, ганил щинал щаллу буллантIиссар 4600 инсан. 2017 шинал бантIиссар канализациялул щин марцI дайсса 2 сооружение (Южно-Сухокумскалий ва Къумтуркъалаллал райондалий). Миннул гьантлий марцI дуллантIиссар 5800 куб.метра щинал.
Хьунабакьаврий ххал бивгьунни цаймигу масъалартту.
ХIадур бувссар
ХI. Аьдиловлул