Августрал 13-14-нний МахIачкъалалив хьунни арамтуннал ва хъаннил дянив столданийсса теннисрал чемпионат.
Чемпионатрай гьуртту хьунни ДР-лул Халкьуннал Мажлисрал Председатель Хизри Шихсаидов, ПаччахIлугърал
Думалул депутатътал ХIажимет Ссапараьлиев, Оьмахан Оьмаханов, Халкьунал Мажлисрал ва МахIачкъалаллал шагьрулул мажлисрал депутатътал ва цаймигу.

Чемпионат тIитIлай, Хизри Шихсаидовлул цинявннахь барча увкунни Физкультурникнал кьини ва чIа кунни цIуллушиву ва ххувшавуртту.
ХIажимет Ссапараьлиевлул ихтилатраву бувсъсса куццуй, укунсса спортрал мероприятиярттал цIакь дайссар миллатирттал дянивсса дахIавуртту, халкьуннал дянивсса дусшиву.
Оьмахан Оьмахановлул бувсмунийн бувну, ва уттигъанну хьунаавкьуну ивкIссар «Единая Россия» партиялул председатель, АьФ-лул премьер-министр Дмитрий Медведевлущал. Ванал мукъурттийн бувну, Дмитрий Медведевлул Дагъусттаннахь барчаллагь увкуну бур, республикалий спорт лавайсса даражалийн лахъан даврихлу.
Чемпионат тIиртIуну махъ 30 команда дайдирхьуна ччалли дуклай ххувшаву ласаврил цIаний. Командартту дуркIуна Дагъусттаннал шагьрурдая ва районная. Бяст-ччал хьуна Дагъусттаннал паччахIлугърал аграрий университетраву. Арамтуннал дия 22 команда, хъаннилсса – 8.
Ххув хьуминнан дуллуна медаллу ва дипломру, кубокру ва цаймигу бахшишру.