Лакрал райондалул экономикалул ва шяраваллил хозяйствалул отделданул каялувчи Макьсуд КьадиевлучIа хьунни шяраваллал администрациярттал шяраваллил хозяйствалул ишир­тталсса буллалисса пишакартуращалсса батIаву. Муний гьуртту хьунни райондалул статистикалул отделданул каялувчи Шагьважи Куччаева. Совещаниялий ххал бигьлай бия ялун нанисса шяраваллил хозяйствалул переписьрал суаллу.

Макьсуд Кьадиевлул баян був­сса куццуй, июль зурул 1-нния август зурул 15-ннийн Аьрасатнаву хьун тIий дур щалвагу Аьрасатнал шяраваллил хозяйствалул перепись.
«Ва переписьрайну бюхъан­тIиссар билаятрал шяраваллил хозяйствалул аьмсса тагьар цукун дуссарив кIул бан. КьатIаллил билаятирттал санкциярду баян бувсса тагьардануву шяраваллил хозяйствалул перепись дукъарну чара бакъассар. Ва переписьрайну бюхъантIиссар билаятрал шяраваллил хозяйствалул аьмсса тагьар цукун дуссарив кIул бан. Хъунмасса тавакъюри ва даврих бунияласса къулагъас дан», — увкунни Макьсуд Кьадиевлул.
Гихунмай шяраваллал администрациялул зузалтращал бувуна переписьрал даву дачин даврийн багьайсса семинар.